ئۇكرائىنا يېزا ئىگىلىك مىنىستىرلىكى سەيشەنبە كۈنى مۇنداق دېدى: 14-ئۆكتەبىرگىچە، ئۇكرائىنادا 3 مىليون 730 مىڭ گېكتار قىشلىق ئاشلىق تېرىلدى، بۇ مۆلچەرلەنگەن ئومۇمىي 5 مىليون 190 مىڭ گېكتار يەرنىڭ %72 نى ئىگىلەيدۇ.
دېھقانلار 3 مىليون 350 مىڭ گېكتار كۈزلۈك بۇغداي تېرىدى، بۇ پىلانلانغان تېرىش كۆلىمىنىڭ %74.8 ىگە تەڭ. بۇنىڭدىن باشقا، 331 مىڭ 700 گېكتار كۈزلۈك ئارپا ۋە 51 مىڭ 600 گېكتار چاۋدۇر تېرىلدى.
سېلىشتۇرۇش ئۈچۈن، ئۆتكەن يىلى ئوخشاش مەزگىلدە، ئۇكرائىنا 3 مىليون 300 مىڭ گېكتار يەرگە قىشلىق دانلىق زىرائەت تېرىغان، بۇنىڭ ئىچىدە 3 مىليون گېكتارغا قىشلىق بۇغداي تېرىلغان.
ئۇكرائىنا يېزا ئىگىلىك مىنىستىرلىكى 2025-يىلى كۈزلۈك بۇغداي كۆلىمىنىڭ تەخمىنەن 4 مىليون 500 مىڭ گېكتار بولىدىغانلىقىنى مۆلچەرلىدى.
ئۇكرائىنا 2024-يىللىق بۇغداي ھوسۇلىنى تاماملاپ، تەخمىنەن 22 مىليون توننا ھوسۇل ئالدى، بۇ 2023-يىلدىكى بىلەن ئوخشاش.
ئېلان قىلىنغان ۋاقىت: 2024-يىلى 10-ئاينىڭ 18-كۈنى